Presentación

Imaxe de cabeceira

Bibllio_01.jpg [1]

Biblio_02.jpg [2]

Biblio_03.jpg [3]

Biblio_04.jpg [4]

Biblio_05.jpg [5]

Biblio_06.jpg [6]

Si

La Biblioteca-Centro de Documentación del MARCO, situada en la 1ª planta del Museo, es un servicio con entrada libre para todo tipo de públicos, que tiene como objetivo proporcionar información bibliográfica, hemerográfica y audiovisual sobre el arte del siglo XXI y otros aspectos relacionados con la cultura contemporánea. El fondo bibliográfico asciende a 8.256 publicaciones que abarcan áreas como teoría del arte, filosofía, historia, pedagogía, museología, movimientos artísticos o colecciones. El cuerpo principal de la Biblioteca son monografías, catálogos de artistas y catálogos colectivos, además de una hemeroteca de revistas especializadas.

HORARIO 

Martes, mércores e xoves, de 11.00 a 14.15 e de 17.00 a 20.00
Venres, de 11.00 a 14.15
Agás festivos / Agosto, pechada 
Dispoñibilidade de cita previa para persoal investigador, fóra deste horario.
Consultar posibilidades en: centro.documentacion@marcovigo.com 

ACCESO DIRECTO AO CATÁLOGO
Se preme no seguinte vínculo, pode consultar o catálogo en liña (recomendamos consultar o apartado Fondos-Catálogo)

Servizos

Lectura en sala

A consulta en sala é directa, e non é preciso cubrir ficha. Unha vez rematado o uso dos materiais, deberán depositarse nos carros habilitados para tal efecto. 

Préstamo domiciliario seleccionado

A Biblioteca-Centro de Documentación do MARCO pon en marcha unha iniciativa que viña sendo demandada por boa parte do seu público e usuarios: a posibilidade de préstamo a domicilio nunha selección dos seus fondos, que inclúen os títulos de narrativa que formaron parte do Club de Lectura #BiblioMARCO nas súas primeiras edicións, unha selección de libros para público infantil relacionados coas artes, e os propios catálogos e publicacións do MARCO. O procedemento é sinxelo e para obter o carné de préstamo abondará con cubrir unha folla de inscrición, ou a autorización correspondente en caso de menores.

Exposicións bibliográficas e dossiers documentais

Realízanse periodicamente mostras bibliográficas que recompilan documentación e publicacións relativas a artistas presentes nas exposicións do MARCO, e temáticas relacionadas coas mesmas. Habitualmente son acompañadas de dossiers documentais dixitais que reúnen enlaces a artigos, audios, vídeos, e presenza destes artistas na rede. Estes dossiers están dispoñibles no apartado de cada exposición na web do MARCO, e en Biblioteca-Novas na súa entrada correspondente.

Visitas guiadas á Biblioteca-Centro de documentación

 Co fin de achegar ao público os fondos e servizos da Biblioteca-Centro de documentación, existe a posibilidade de solicitar visitas para escolares e colectivos interesados, guiadas pola responsable da Biblioteca-Centro de documentación. A visita pode completarse cun percorrido polas exposicións, guiado polo personal de salas. 

Información e reservas a través do email centro.documentacion@marcovigo.com [8] ou do teléfono 986 113902.

Préstamo Interbibliotecario 

Ofrécese tamén un servizo de préstamo interbibliotecario e intercambio de publicacións con outros centros de natureza similar ao MARCO. Pregámoslles ás persoas ou entidades interesadas que se poñan en contacto connosco para facilitarlles máis información a través do e-mail centro.documentacion@marcovigo.com [8] ou do teléfono 986 113902.

Dinamización

Clube de lectura #BiblioMARCO

A partir de outubro de 2019 púxose en marcha o Clube de lectura #BiblioMARCO como espazo de encontro e dinamización para aquelas persoas interesadas nas artes en xeral, xa que os eixes argumentais das novelas seleccionadas están relacionados con distintas manifestacións artísticas.

A participación é de balde, previa inscrición a través do e-mail centro.documentacion@marcovigo.com [8] ou do teléfono 986 113902.

Horario: unha vez ao mes (variable según grupos), de 19.00 a 21.00.

Histórico de programación: 

Tempada 2023-2024
https://www.marcovigo.com/content/club-de-lectura-bibliomarco-tempada-2023-24 

Tempada 2022-2023
https://www.marcovigo.com/gl/content/pr-ximo-inicio-de-tempada-2022-23-do-club-de-lectura-bibliomarco [9]

Tempada 2021-2022
https://www.marcovigo.com/content/o-club-de-lectura-bibliomarco-inicia-t... [10]

Tempada 2020-2021
https://www.marcovigo.com/content/o-club-de-lectura-bibliomarco-inicia-tempada-2021-22-con-tres-novos-grupos [11]

Tempada 2019-2020
https://www.marcovigo.com/gl/content/clube-de-lectura-bibliomarco-2019-2020 [12]

Bookcrossing – Día do Libro

Con motivo do Día do Libro, cada ano en torno ao 23 de abril o MARCO súmase á experiencia de Bookcrossing compartida con outras 54 bibliotecas de museos e centros de arte, na que se liberan volumes relacionados con diferentes disciplinas procedentes dos fondos duplicados das súas respectivas bibliotecas.

Outras actividades de dinamización

Dende a Biblioteca-Centro de documentación lévanse a cabo distintas actividades de forma puntual que forman parte da programación do MARCO.

Algunhas realizadas anteriormente:

• Obradoiro de Scrapbooking
• Regueifas deste tempo
• Maratón do xogo de mesa Sabidurius
• Xogos relacionados cos fondos da biblioteca e coa arte na rede:
  - Cada obra coa sua parella
  - Webs con moita arte
  - Pola rede anda o xogo 

Proxecto

Proxecto Documentando o MARCO

Iniciado en 2008, trátase dun proxecto baseado no propio edificio do Museo como lugar de memoria e como espazo simbólico. O obxectivo é recoller testemuños sobre o pasado do edificio do MARCO, antes da súa rehabilitación e o seu novo uso como Centro de Arte Contemporánea, para axudarnos a recompilar a 'memoria viva' do edificio a través de experiencias persoais. Os testemuños son recollidos ben por escrito, ben con gravacións de voz ou de imaxe de vídeo. Tamén se anima ás persoas interesadas a achegar documentación como fotografías, cartas, etc. que consideren de interese como imaxe ou relato do pasado. O material recollido será dixitalizado e quedará depositado na Biblioteca-Centro de Documentación.

Intercambio e Préstamo Interbibliotecario

A Biblioteca-Centro de Documentación do MARCO oferta tamén un servizo de préstamo interbibliotecario e intercambio de publicacións con outros centros de natureza similar ao MARCO. Pregámoslles aos interesados que se poñan en contacto connosco para facilitarlles máis información.

MARCO, Museo de Arte Contemporánea de Vigo
Responsable de Biblioteca e Documentación
Iria Fernández Mouriz
R/Príncipe, 54
36202 Vigo
centro.documentacion@marcovigo.com [8]
986 11 39 00. Ext: 201 / 986 11 39 02 (Directo)

Aluguer

Existe a posibilidade de alugar o espazo para desvolvemento de presentacións, seminarios, encontros, etc., fóra do horario de apertura ao público e da programación específica da Biblioteca-Centro de documentación.

Máis información e consultas sobre dispoñibilidade, procedementos e tarifas de aluguer,  a través do e-mail info@marcovigo.com [13] ou do teléfono 986 113904.