HEMATOFESTI no MARCO. XOGAMOS A PORQUELANDIA? con Iván R.

Porquelandia_600x200.jpg [1]

Porquelandia_200x150.jpg [2]

Para público infantil de 7 a 12 anos

Datas e horarios:

Sábado 9 de novembro ás 11.00
Domingo 10 de novembro ás 11.30

Prazas limitadas a 25 participantes por sesión

Porquelandia é unha baralla de cartas deseñada por Ledicia Costas e Iván R e pensada para fomentar a imaxinación desde a diversión e o humor. Un xogo para crear historias a partir de personaxes colocados nas situacións máis disparatadas.

Neste encontro poñeremos en práctica as nosas habilidades creativas para inventar respostas divertidas a preguntas absurdas a partir das cartas de Porquelandia.

Xogaremos en parellas coa baralla inventando repostas ata que o marcador de tempo diga PARA! Nese momento o noso cerebro estará listo para poder levar ao papel, mediante o debuxo, a situación máis graciosa que teñamos dos nosos porqués.

Poderemos convertelo nun cómic, na cuberta dun libro, ou mesmo pode ser o inicio da nosa primeira historia saída de Porquelandia…

Queres participar?

Solicita a túa ficha de inscrición a través do correo-e comunicacion@marcovigo.com [3] ou recepcion@marcovigo.com [4]