Con motivo da inauguración da exposición de SUSANNE THEMLITZ. A linguaxe das cousas mudas, convidámosvos a unha visita guiada na compaña da artista e do director do MARCO, este VENRES 8 de novembro ás 19.00, nas salas da planta baixa.

Susanne S. D. Themlitz (Lisboa, 1968) é unha artista multidisciplinar que crea a partir de aqueles medios e materiais que a rodean. Susanne colecciona, busca, une, analiza, separa... crea paisaxes onde as figuras desaparecen, obras onde o espazo baleiro é o protagonista, creacións que se conforman dos momentos que captura e disecciona. A súa proposta para o MARCO de Vigo reúne un conxunto de pezas desperdigadas no tempo que lle axudan a transmitir unha reflexión sobre a memoria dos materias e da vida do propio centro, así como da súa contorna. Cada sala convértese nunha sorpresa para quen a transita; mundos con autonomía entre eles que manteñen dalgún xeito unha liña que os conecta, permitindo que nos perdamos neles, que contemplemos a evolución da súa obra, e formemos así, por un segundo, parte do seu peculiar xeito de ver. Cadros, imaxes, papeis, area, labras do lápis ao sacarlle punta, cristais, bambú... Susanne otorga a cada obxecto un novo e inesperado propósito nesta exposición. 

+ INFO https://www.marcovigo.com/content/susanne-s-d-themlitz-linguaxe-das-cousas-mudas