Convidámosvos a unha visita guiada por unha das sete mostras de "SIMULTÁNEA", unha macroexposición centrada na Colección de Arte de Afundación repartida polas principais cidades galegas.

"Voar coa imaxinación" é o nome da mostra que se atopa na Sede Afundación de Vigo (Policarpo Sanz, 24-26), que será tamén o noso punto de encontro.

Un total de 66 obras de 56 artistas, centradas non só nos diferentes aspectos da fantasía nas artes plásticas, senón na relación intrínseca entre esta e a identidade galega, en torno á idea da fuxida da realidade, creando un percorrido por algúns dos seus mellores exemplos.

+INFO: https://afundacion.org/ga/agenda/evento/voar-coa-imaxinacin.-simultnea-en-vigo

ATENCIÓN! Para esta visita hai un límite de prazas polo que haberá que inscribirse no correo-e  de TAQUILLA recepcion@marcovigo.com, cubrindo as prazas dispoñibles por orde de chegada.