PRESENTACIÓN-COLOQUIO. Como flota o aceite na auga
Interveñen:
Asunta Rodríguez, Miguel Fernández-Cid
Presenta:
Manuel Quintana Martelo
Do 2 ao 7 de febreiro, as galerías españolas de arte contemporánea estarán pechadas ao público, nun xesto co que reclaman un IVE cultural próximo ao dos países europeos da nosa contorna (entre o 5 e o 7%, fronte o 21% en España).
Coincidindo coa publicación de Como flota o aceite na auga, libro no que se repasan os 40 anos da galería compostelá Trinta, a autora do libro e directora da galería, Asunta Rodríguez, e o director do MARCO, Miguel Fernández-Cid, manterán unha conversa sobre a importancia das galerías no medio artístico, repasando temas de actualidade e historia de Trinta.
A presentación correrá a cargo de Manuel Quintana Martelo, pintor e un dos fundadores de Trinta en 1985.
