MiraLookBooks. O MARCO de Vigo, única institución de Galicia participante
O MARCO de Vigo, única institución de Galicia participante no encontro MiraLookBooks, que terá lugar esta fin de semana en Madrid.
Xunto á súa presenza no panel xeral de expositores, intégrase no programa público de actividades coa presentación da publicación Todavía siempre, de Laía Argüelles Folch.
MiraLookBooks
MiraLookBooks é o Encontro Internacional de Publicacións especializadas en Cultura Contemporánea que terá lugar en Espacio Cultural Serrería Belga de Madrid o venres 25, sábado 26 e domingo 27 de outubro de 2024, e no que participan máis de 150 proxectos editoriais de 20 países de África, Europa e América.
O MARCO de Vigo subliña a súa presenza neste encontro e a súa implicación no programa de actividades coa presentación do catálogo da exposición Todavía siempre, de Laía Argüelles Folch, no que intervirá o director do Museo, Miguel Fernández-Cid, xunto á propia artista e a comisaria da mostra, Laura González Palacios.
MARCO. Publicacións recentes
AVANCE: a semana que vén terá lugar no MARCO a presentación de tres novas publicacións: os catálogos das exposicións de Bosco Caride, Laía Argüelles Folch e Alfredo Alcain.
Será o mércores 30 de outubro, ás 11.00, previa convocatoria de prensa.
Durante os últimos anos, a liña de publicacións do MARCO foi adquirindo cada vez máis relevancia, como compoñente esencial do seu proxecto e parte integrante da programación. Os catálogos das exposicións funcionan como vehículo transmisor da obra dos artistas, e como fonte documental cara ao futuro, singularmente para investigación e difusión.
Todas as publicacións e catálogos están dispoñibles na Biblioteca-Centro documentación do MARCO, e á venda na libraría LASAL BOOKS (vestíbulo principal).
+ INFO https://www.marcovigo.com/publicacions / https://lasalbooks.com/
