Fondos

A aplicación que se utiliza para consultar a través da web o catálogo da Biblioteca-Centro de Documentación é o Proxecto MEIGA, pertencente á Dirección Xeral de Promoción Cultural da Consellería de Cultura e Deporte da Xunta de Galicia.

Se preme no seguinte vínculo, pode consultar o catálogo en liña.

> Consulta do catálogo

TIPO DE BUSCA

Pódese buscar por listado alfabético, por palabra chave contida no valor que estamos a buscar ou ben procurando a frase exacta.

VALORES DE BUSCA

A busca pódese realizar por título, autor, materia, serie, CDU, editorial ou ISBN, considerando o seguinte:

• Título: os artigos "o, a, os, as", as súas traducións e os números non alfabetizan, isto é, que se haberán de omitir
  Por exemplo: Surrealismo [O]

• Autor: consideramos como autores aos artistas, comisarios, autores de ensaios... e a busca faise polo apelido.
  Por exemplo: Bourgeois, Louise

• Materia: estará sempre en galego. O uso de maiúsculas e acentos non afecta aos resultados da busca. Para unha maior información no caso de buscar documentación sobre un artista, haberá que indicar o apelido en "materia" para que se inclúan tamén os catálogos colectivos nos que participa.

RESULTADO DA BUSCA

• Os resultados da busca ordenaranse alfabeticamente

• Cando hai máis de 10 resultados, pódese pasar a páxina premendo sobre os números que aparecen no extremo superior dereito do listado

• Para buscar o libro no andel, haberá que guiarse pola chave de localización que se indica no resultado da busca e que está rotulada na parte superior dereita de cada andel

• Por exemplo: Localización: CAT.C/118 atoparase no andel CAT.C (Catálogos de exposicións colectivas), número currens 118

• As monografías e catálogos de artistas presentaranse por orde alfabética