Visita á exposición Todavía siempre de Laía Argüelles Folch, na compaña da artista
Para participantes Club de Lectura #BiblioMARCO

Martes 29 de outubro ás 19.00
Galería e sala perimetral B1, 1º andar
Previa reserva a través do correo-e centro.documentacion@marcovigo.com 

A artista Laía Argüelles Folch, protagonista dunha das exposicións do MARCO nestes meses, foi a encargada de propoñer a primeira lectura desta nova tempada do Club #BiblioMARCO, coa única premisa de que fose importante para ela e para a súa produción. Boa parte da obra de Argüelles céntrase na investigación e o traballo con materiais atopados en rastros, tendas de coleccionismo e librarías de vello de diversos países.

O libro seleccionado foi La atracción del archivo de Arlette Farge (Edicions Alfons El Magnanim. Institució Valenciana d’Estudis i Investigació). Durante este percorrido pola súa exposición, a artista terá a oportunidade de contar o porqué desta elección, e de afondar nos contidos dunha mostra que encara xa a súa recta final, xa que se clausura o domingo10 de novembro.